30.2 C
Aghjabadi

Torpağa sevgin sözlə deyil, əməlinlə bilinməlidir

    Qəzetimizdə müntəzəm olaraq əməkdaşlarımız tərəfindən şəhidlərimizin, qazilərimizin, Vətən müharibəsi iştirakçılarının keçdiyi şərəfli döyüş yolu haqqında silsilə yazılar dərc olunur. Hər dəfə onlar haqqında yazmağı “Aran” qəzeti kollektivi olaraq, özümüzə mənəvi borc bilirik. Haqqında söz açdığımız belə qəhrəmanlardan biri – rayonun Pərioğullar kəndindən olan Məhəmməd Əliyevlə olan söhbətimizi təqdim edirik.

– Salam, mən özüm sizi tanıyıram. Amma istərdim ki, oxucularımız da yaxından tanısınlar. Özünüz barədə oxucularımıza qısa məlumat vermənizi istərdim.

– Mən, Əliyev Məhəmməd Zəfər oğlu 1995-ci ilin aprel ayında Ağcabədi rayonunun Pərioğullar kəndində anadan olmuşam. Sözügedən kəndin tam orta məktəbində oxuduqdan sonra Vətənə olan borcumu ödəmək üçün hərbi xidmətə yollanmışam. 2013-2015-ci illərdə Tovuz rayonunda “N” saylı hərbi hissədə Ağır Artilleriya Divizionunda topçuluq üzrə manqa komandiri vəzifəsində xidmət etmişəm. Hərbi hissədə keçirilən təlim yarışlarında manqa komandiri olduğum bölmədə topların döyüş vəziyyətinə operativ gətirilməsinə görə birinci yerə layiq görülmüşük. Komandanlıq tərəfindən mükafatlar və fəxri fərmanlarla təltif olunmuşuq. Sözsüz ki, bu, təkcə mənim nailiyyətim deyil, həm də manqa komandiri olduğum əsgərlərimizin uğuru idi. Bu cür yaxşı nəticələr göstərməyim bəlkə də uşaqlıqdan hərbiyə olan böyük maraq və sevgimə də bağlı ola bilər. Doğma kəndə qayıtdıqdan sonra təhsilimi artırmaq üçün imtahan verib Azərbaycan Dövlət Neft Sənayesi Universitetinin kimya texnologiya fakültəsinin kimya ixtisasına qəbul oldum. İxtisasım üzrə gözəl təhsil aldım.

– II Qarabağ Müharibəsinin iştirakçısı kimi şərəfli döyüş yolu keçmisiniz. Keçdiyiniz döyüş yolu haqqında nə deyə bilərsiniz? 

– Tovuz döyüşlərindən sonra müharibə qığılcımının yavaş-yavaş alovlandığını hiss edirdim. Belə bir günün gəlməsinə görə Allahıma şükr edirdim. Duam qəbul olundu. Nəhayət 2020-ci ilin 29 sentyabrında Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsinə getdim. Oradan da bir həftəlik Goranboyda “N” saylı hərbi hissədə minaatan bölüyün tərkibində təlim keçdim. Olduğum hərbi hissədə kifayət qədər təcrübə topladığım üçün minaatan batareyasının tərkibində döyüşmək mənə elə də çətin gəlmirdi. İlk döyüşə qatıldığım yer sözügedən batareyanın 40 nəfərlik şəxsi heyətiylə birlikdə Füzuli istiqamətindən başlayıb. Cəbrayıl rayonunda, Zəngilanın Mincivan qəsəbəsi, Xocavəndin Dolanlar, Qubadlının Xanlıq, Xıdırlı kəndlərinin işğaldan azad edilməsində əsgər yoldaşlarımızla gərgin döyüş yolu keçmişik. Bu istiqamədə gedən döyüşlərdə düşməni canlı qüvvə baxımından xeyli itkiyə uğratmışıq. Müharibə bitəndən 2021-ci ilin yanvarına kimi Qubadlının Xanlıq kəndində xidmətimi davam etdirmişəm. Vətən müharibəsindəki iştirakım nəzərə alınaraq Prezident İlham Əliyevin Sərəncamına əsasən “Qubadlının azad olunmasına görə”, “Xocavəndin azad olunmasına görə”, “Vətən müharibəsi iştirakçısı” meadalları ilə təltif olunmuşam.

– Müharibə zamanı ən yadda qalan hadisələrdən birini danışa bilərsinizmi?

– Mənim üçün ən yadda qalan hadisələrdən biri Xocavənd istiqamətində olub. Oktyabrın 17-də Xocavəndin Dolanlar kəndində minaatan batareyamız mühasirəyə düşdü. 7-8 saat dayanmadan həmin istiqamətdə düşmənlə döyüşdük. Nəhayət ki, 4 və 6-cı bölmələrdən olan motoatıcıların köməkliyi sayəsində mühasirədən çıxdıq. Həmin döyüşdə cəmi iki döyüşçümüz Pərviz Cəfərov və Dəyanət Cəfərov yüngül qəlpə yaraları aldı. Amma heç bir itkimiz olmadı. Düşmən də canlı qüvvə və döyüş texnikası baxımdan xeyli itki verdi. Məhz haqqında söz açdığım hadisə müharibənin mənim üçün ən yadda tərəflərindən biri idi.

– Sonda nə demək istəyirsiniz?

– Sonda bir daha müharibənin baş verməməsini, xalqımızın hər zaman sülh içində, firavan şəraitdə yaşamasını arzu edirəm. Dövlət başçımızın şəhid ailələrinə, qazilərə və Vətən müharibəsi iştirakçılarına həssaslıqla, yüksək diqqət və qayğı ilə yanaşmasını müharibə iştirakçısı kimi çox yüksək qiymətləndirirəm.

– Dəyərli vaxtınızı ayırdığınız üçün minnətdaram, sağ olun.

– Buyurun.

Söhbətləşdi: Hüseyn QULUZADƏ

Xəbər lenti

Şəhid Cəmaləddin Məmmədovun Anım günü qeyd olundu

Vətən müharibəsinin ilk günlərindən silaha sarılaraq döyüş meydanına atılan oğullarımızdan biri də Məmmədov Cəmaləddin Türbəndə oğludur. O, 1988-ci ildə Ağcabədinin Kürdlər kəndində...

Ağcabədidə prokurorluq işçilərinin peşə bayramı qeyd olundu

Ağcabədi rayonunda 1 oktyabr - Prokurorluq işçilərinin peşə bayramı günü münasibəti ilə tədbir keçirildi.Tədbirdə hüquq-mühafizə orqanlarının rəhbər və əməkdaşları, Ağcabədi Rayon İcra...

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şərhlər