30.2 C
Aghjabadi

Növbəti səyyar qəbul Hacılar kəndində

            Ağcabədi Rayon İcra Hakimiyyətinin başçısı Rafil Hüseynovun Hacılar kəndində səyyar qəbulu keçirilib.

            Görüşdə hüquq-mühafizə orqanlarının rəhbərləri, icra hakimiyyəti başçısı aparatının məsul işçiləri, rayonda fəaliyyət göstərən idarə, müəssisə və xidmət təşkilatlarının rəhbərləri, kənd sakinləri iştirak etdilər.

            Kənd sakinlərini salamlayan icra başçısı bildirdi ki, bir müddət əvvəl COVİD-19 pandemiyası ilə bağlı yerlərdə səyyar qəbulların keçirilməsi də təxirə salınmışdı. Artıq 2022-ci ilin mart ayından Azərbaycan Respublikasının Prezidenti cənab İlham Əliyevin tapşırıq və tövsiyələrinə uyğun olaraq ölkənin bütün bölgələrində olduğu kimi, Ağcabədi rayonunda da səyyar görüşlər mütəmadi olaraq həyata keçirilir. 44 günlük Vətən müharibəsində Ali Baş Komandanın rəhbərliyi ilə Müzəffər Ordumuzun qələbəsindən danışan icra başçısı onu da qeyd etdi ki, Azərbaycan Ordusunun döyüş qabiliyyətinin artırılması, silahlı qüvvələrin maddi-texniki bazasının möhkəmləndirilməsi sahəsində ardıcıl tədbirlər görülür. Hazırda azad edilən doğma torpaqlarda mina təmizləmə işləri ilə yanaşı, böyük layihələr icra edilir, şəhər və kəndlərdə sürətli tikinti və abadlıq işləri aparılır.

            Bütün bunları ulu öndər Heydər Əliyevin siyasətini müvəffəqiyyətlə davam etdirən möhtərəm Prezidentimiz İlham Əliyevin apardığı məqsədyönlü siyasətin nəticəsi olduğunu qeyd edən rayon rəhbəri müstəqil dövlətimizin davamlı inkişafı və uğurlu gələcəyinin təmin edilməsi istiqamətində tədbirlərin bundan sonra da davam etdiriləcəyini bildirdi. İcra başçısı onu da diqqətə çatdırdı ki, Vətən müharibəsi dövründə Hacılar kəndi də düşmən atəşinə məruz qalırdı. Düşmənin atdığı mərmilər nəticəsində kənd sakinlərinin evlərinin dağılmasına baxmayaraq, onlar kəndi tərk etmədilər. Əksinə sakinlər yüksək vətənpərvərlik, dözüm və fədakarlıq nümayiş etdirdilər.

            Qəbulda sakinlərin müraciətləri dinlənildi. Onları narahat edən məsələlər səsləndirildi. Kənd sakinləri Zahir Abbasov, Almaz Rüstəmova, Aybəniz Abbasova, Ceyhun Abbasov, Simiran Quliyev kəndin qazlaşdırılmasına ehtiyac olduğundan, içməli suyun çatışmazlığından, əkin sahələrinin suvarılmasındakı çətinliklərdən söz açdılar.

Qaldırılan məsələlərlə bağlı rayon rəhbəri tərəfindən əlaqədar qurumlara aidiyyatı tapşırıq və tövsiyyələr verildi.

            Sonda sakinlər kənddə tikilmiş körpələr evi-uşaq bağçasının tikintisində təşəbbüs və dəstəyinə görə rayon rəhbərinə öz minnətdarlıqlarını bildirdilər.

Pərvin ŞAKİRQIZI

Fotolar Mais İbrahimovundur

Xəbər lenti

Şəhid Cəmaləddin Məmmədovun Anım günü qeyd olundu

Vətən müharibəsinin ilk günlərindən silaha sarılaraq döyüş meydanına atılan oğullarımızdan biri də Məmmədov Cəmaləddin Türbəndə oğludur. O, 1988-ci ildə Ağcabədinin Kürdlər kəndində...

Ağcabədidə prokurorluq işçilərinin peşə bayramı qeyd olundu

Ağcabədi rayonunda 1 oktyabr - Prokurorluq işçilərinin peşə bayramı günü münasibəti ilə tədbir keçirildi.Tədbirdə hüquq-mühafizə orqanlarının rəhbər və əməkdaşları, Ağcabədi Rayon İcra...

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şərhlər