5.6 C
Aghjabadi

Cəbrayılın azad olunması Böyük Qələbəyə inam yaratdı

​​       Bu gün Cəbrayılın azad olunmasının 2-ci ili tamam olur. 2020-ci ilin  sentyabr ayının 27-də Ermənistanın növbəti təhriki ilə başlayan Vətən Müharibəsində ordumuzun apardığı bütün döyüşlər əsl qəhrəmanlıq salnaməsi olmuşdur. Lakin Cəbrayıl uğrunda gedən döyüşlər və rayon mərkəzinin  işğaldan azad olunmasının xüsusi əhəmiyyəti vardır. Müharibənin başlanmasının 8-ci günündə Cəbrayılın düşməndən geri qaytarılmasını xalqımız böyük sevinclə qarşıladı. 30 il ərzində bu ərazidə düşmənlərin qurduğu müdafiə sədləri, döyüş zonasında  piyada  və tank əleyhinə çoxsaylı minaların basdırılmasına görə alınması müşkül hesab edilən Cəbrayılın azad edilməsi ordumuzun qələbəyə inamını artırdı, xalqın milli ruhunu yüksəltdi. 

​Azərbaycan Respublikasının Prezidenti, Ali Baş Komandan  cənab İlham Əliyevin televiziya vasitəsi ilə Cəbrayılın azad edilməsi barədə verdiyi xəbər xalqımız tərəfindən böyük sevinc və şadyanalıqla qarşılandı. Artıq Azərbaycan xalqı əmin oldu ki, möhkəmlənmiş müdafiə xəttini ordumuz yarıb Cəbrayılı azad edibsə,  digər yaşayış məntəqələrimizin də düşmən tapdağından azad edilməsi çətinlik törətməyəcəkdir. Cəbrayıl uğrunda gedən döyüşlərdə Azərbaycanın qəhrəman döyüşçüləri əsl sücayət nümayiş etdirdilər. Keçirilən hərbi əməliyyatınəsas  əhəmiyyəti ondan ibarət idi ki, bu ərazi azad olunandan sonra işğal altında olan digər rayonlara uğurlu əks-hücum etmək asanlaşırdı. 

​Cəbrayıl coğrafi mövqeyinə və relyefinə görə mühüm strateji əhəmiyyət kəsb edir. 1993-cü ilin avqustun 23-də erməni silahlı qüvvələri tərəfindən  Cəbrayılın işğal edilməsi nəticəsində bu rayona 14 milyard dollara yaxınziyan dəyib. Erməni  vandalizmi sayəsində  rayonərazisindəki bütün  inzibati binalar, yaşayış evləri, maddi-mədəni və tarixi abidələr, eləcə də bütün infrastruktur dağıdılmış, rayon əhalisi 27 il  qaçqın və köçkünlük  həyatı yaşamağa məcbur olmuşdur.

​Ölkə Prezidenti cənab İlham Əliyev  Cəbrayıl rayonuna 16 noyabr 2020-ci il və 14 fevral 2021-ci il tarixlərində etdiyi səfərlərdə  çıxışları zamanı Cəbrayılın xüsusi əhəmiyyət daşıyan bir bölgə kimi düşmən əsarətindən azad olmasını xüsusilə qeyd etmiş, bu döyüşlərdə milli ordumuzun bir an geri çəkilməyərək daim irəli gedib qəhrəmanlıq və sücayət göstərdiyini fəxrlə bəyan etmişdir.​ Ölkə Başçısı 3 rəngli Azərbaycan bayrağının qədim və tarixi abidə olan Xüdafərin körpüsündə dalğalanmasını  Azərbaycan xalqının qürur və fəxarət rəmzi olduğunu vurğulamışdır.

​Bu gün işğaldan azad edilmiş Cəbrayıl ərazilərində həyat bərqərar edilir. Torpaqlar minalardan təmizlənir, əhalinin doğma vətənlərinə qayıdışı üçün lazım olan infrastruktur layihələr həyata keçirilir. Bu ərazidə görülənbərpa və quruculuq işləri onu göstərir ki, Cəbrayıl rayonunun ərazilərinə daimi sakinlərin köçürülməsi çox da uzun çəkməyəcəkdir.

Nazim Bünyatov  

 YAP Ağcabədi rayon təşkilatının sədr müavini

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər