6.4 C
Aghjabadi

Şəhid həkim – Tariyel Salmanovun anım mərasimi keçirilib

Torpağı Vətən edən, onun ağır, çətin günlərində hayına, köməyinə yetən elə həmin yurdun oğullarıdır. Sinəsində ürək əvəzinə bütöv Vətən gəzdirən, 44 günlük haqq savaşımızda odun, alovun içinə atılan qəhrəmanlarımızdan biri də Ağcabədinin Kəhrizli kəndində dünyaya göz açmış Salmanov Tariyel Allahverdi oğlu idi.
“Tariyel həkim” – hamı onu belə tanıyırdı. İnsanların dostu, onu tanıyanların sevimlisi, hər kəsin əzizi…
Oktyabrın 8-də rayonun Kəhrizli kəndində şəhid həkimin anım mərasimi böyük izdihamla keçirildi. Mərasimdə Ağcabədi Rayon İcra Hakimiyyətinin başçısı, məsul şəxsləri, Yeni Azərbaycan Partiyası Ağcabədi rayon təşkilatının sədri, hüquq-mühafizə orqanlarının rəhbərləri, SHXÇDX-nin Ağcabədi rayon şöbəsinin rəisi, media nümayəndələri, şəhid ailələri, qazilər, kənd sakinləri və Kəhrizli kənd tam orta məktəbinin müəllim və şagird kollektivi iştirak etdilər. Mərasim iştirakçıları tərifindən şəhidin məzarı ziyarət olundu, ruhuna dualar oxundu.
Çıxış edən Ağcabədi rayon İcra Hakimiyyətinin başçısı Rafil Hüseynov Ordumuzun 30 ilə yaxın düşmən tapdağında olan doğma torpaqlarımızı azad etməsindən, eləcə də Tariyel Salmanovun keçdiyi şərəfli döyüş yolundan danışdı, şəhidin ailəsinə başsağlığı verdi.
Sonda Kəbrizli kənd tam orta məktəbin şagirdləri şeirlər səsləndirdilər.
Qeyd edək ki, 2020-ci ilin 29 sentyabrında müharibəyə yollanan Tariyel Salmanov Ordumuz tərəfindən həyata keçirilən hərbi əməliyyatlarda bir həkim olaraq yaxından iştirak edib, əsgərlərimizi dəfələrlə ölümün pəncəsindən alıb.
Oktyabrın 8-də Cəbrayıl rayonu uğrunda gedən şiddətli döyüşlərin birində yaralı əsgərlərimizi döyüş meydanından çıxararkən özü də ayağından yaralanıb, çoxlu qan itirib. İnsan həyatının keşikçisi, neçə insanı ölümdən xilas edən Tariyel həkim döyüş meydanında şəhidlik zirvəsinə ucalıb…
Ölümündən sonra onun bu fədakarlığı Ordumuzun Ali Baş Komandanı cənab İlham Əliyev tərəfindən dəyərləndirib. Tariyel Salmanov “Cəbrayılın azad olunmasına görə”, “Vətən uğrunda” və “İgidliyə görə” medalları ilə təltif edilib…

Gündüz Sevindik
Fotolar Mais İbrahimovundur

Xəbər lenti

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Ağcabədidə “Təhlükəsiz Həyat” gənclər arasında maarifləndirici tədbirlər layihəsi keçirilmişdir

   Ağcabədi rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Ağcabədi Rayon Gənclər və İdman İdarəsinin təşkilatı dəstəyilə “Aydınlar Ocağı” humanitar ictimai birliyi tərəfindən “Təhlükəsiz Həyat” gənclər arasında maarifləndirici...

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

Şərhlər