Ərəb Əmirliklərində işləyən azərbaycanlı mütəxəssis: “Elə bilirdim ki, məni milliyə dəvət edəcək”

“Yığmada massajçı da, inzibatçı da, tərcüməçi də, videooperator da mən idim”

Stajlı futbolsevərlər Faiq Hüseynovu yaxşı xatırlayır. Ölkə futbolunun “peraşki dövrü”ndə  milli komandamızda çalışan həkim-masajçı artıq 20 ildən artıqdır ki, Birləşmiş Ərəb Əmirliklərində (BƏƏ)-də işləyir. Vaxtilə ölkəmizin “Sumqayıt”, “Neftçi” və  “Qarabağ”da fəaliyyət göstərən, hazırda isə BƏƏ-nin  “Şəbab Əl-Əhli Dubay” komandasında çalışan mütəxəssis tarixin şahidlərindən sayılır. Ara-sıra uzaq Dubaydan da futbolumuzla bağlı paylaşımlar edir, ötən günlərin videoları və fotoşəkilləri ilə bizi keçmişə qaytarır, nostalji hisslərin əsirinə çevirir. Məhz bu səbəbdən həkim-masajçı ilə söhbətləşməyə qərar verdik. Faiq Hüseynovla söhbət zamanı həm ölkəmizdəki karyerasına nəzər saldıq, həm də BƏƏ-dəki fəaliyyəti barəsində danışdıq.

– Artıq 20 ildən artıqdır ki, Birləşmiş Ərəb Əmirliklərində işləyirsiniz. Maraqlıdır, ora gedişiniz necə reallaşmışdı?

– O vaxt Dubayda şəhərin adını daşıyan yeni klub yaradılmışdı. Yığmamızın sabiq üzvü Deni Qaysumov da Dubayın eyniadlı klubunda çıxış edirdi. Klub rəhbərliyi Azərbaycan millisinin müdafiəçisindən xahiş etmişdilər ki, məni komandaya dəvət etsin. Qaysumov rəhbərliyin istəyini mənə bildirdikdən sonra Birləşmiş Ərəb Əmirliklərinə yollandım.

– Maraqlıdır, BƏƏ-yə yollanmazdan əvvəl BƏƏ haqqında hansı fikirləriniz var idi və bu ölkədə yaşadıqdan sonra hansı təəssüratlarınız formalaşdı?

– Düzü, bizim mentalitetlə ərəblərin adət-ənənəsi arasında o qədər də ciddi fərq yoxdur. Ona görə də bu ölkə barəsində düşüncələrimdə ciddi dəyişiklik olmadı.  

– Yəqin ki, vətəndən uzqda olmaq o qədər də asan deyil…

– Təbii, doğma vətənimiz üçün darıxıram. Klublarımızın və milli komandanın oyunlarını izləyirəm. Burda dünyanın müxtəlif ölkələrindən olan mütəxəssislər çalışır. Azərbaycandan isə yalnız mənəm.

– Yəqin ki, ilk vaxtlar problem təkcə vətəndən uzaqda olmaq deyildi. Fərqli dil, mədəniyyət və mətbəx və s. Bütün bunlar ilk vaxtlar hansı çətinliklər yaradırdı?

– Təbii, müəyyən fərqlər var, ancaq məsələn, mətbəxlə bağlı ciddi çətinlik yaşamamışam. Bura ailəmlə birlikdə gəldiyim üçün yeməklə bağlı çətinlik olmadı.

– Şübhəsiz, yerli əhali ilə ölkəmiz haqqında söhbətləriniz olur. Maraqlıdır, BƏƏ-də Azərbaycanla bağlı ən çox nəyə təəccüblənirlər?

– Ərəblər Azərbaycanın təbiətinin gözəl, mətbəxin isə çox dadlı olması haqqında danışırlar. Ölkəmiz haqqında BƏƏ əhalisinin nə düşündüyünü mətbuatdan da oxuya bilərsiniz.

– BƏƏ-yə yollandıqdan sonra nə vaxtsa yerli klublarımızdan iş təklifi almısınız?

– Yalnız bircə dəfə Ramin Musayev Azərbaycana qayıtmağı təklif etmişdi. son vaxtlara qədər PFL-in prezidenti kimi fəaliyyət göstərən Musayev “Neftçi”də işləyəndə məni “Neftçi”yə dəvət etmişdi, ancaq o vaxt komandam ilə müqaviləm davam edirdi və bu səbəbdən Bakıya dönüşüm mümkün olmamışdı.

–  Qurban Qurbanov millini çalışdıran vaxt hiss olunurdu ki, ölkə futbolunda həkim-fizioterapevt sahəsindən narazıdır. Həmin vaxt və ya ümumiyyətlə nə vaxtsa sizə yığmada işləmək təklif olunmayıb?

– Milli komandanın baş məşqçisi postuna Qurban Qurbanov təyin olunanda buna çox sevinmişdim. Elə bilirdim ki, məni milliyə dəvət edəcək, ancaq heç bir təklif olmadı. Niyə? Bu sualın cavabını isə bilmirəm.

– Altı il Azərbaycan millisində massajçı işləmisiniz. Həmin vaxtları necə xatırlayırsınız?

Mən Azərbaycan milli komandasının ilk masajisti olmuşam. Təbii ki, istənilən işə yeni başlayanda müəyyən çətinliklər olur. O dövr vəziyyət o həddə idi ki, yığmada massajçı da, inzibatçı da, tərcüməçi də, videooperator da mən idim. Həmin vaxt SSRİ yenicə dağılmışdı və hər şey yeni-yeni formalaşırdı. Bu səbəbdən Avropa səviyyəsində futbol sərgiləmək asan deyildi. İndiki dövrdə isə şərtlər başqadır. Hər cür şərait var və indiki halda yaxşı futbol nümayiş etdirmək daha asandır.

– Yeri gəlmişkən, milli komandamızın baş məşqçisi postunu son illər ancaq xarici mütəxəssislər tutsa da, nəticələr ürəkaçan deyil. Buna baxmayaraq De Byazi ilə müqavilə yenidən uzadıldı. Sizcə, millini əcnəbi məşqçiyə tapşırmaq nə dərəcədə düzgündür?

– Bu məsələni AFFA həll edir. Bu mənada mənim nəsə deməyim artıqdır. Ancaq sualınıza cavab olaraq deyə bilərəm ki, bizim mütəxəssislərimiz əcnəbilərdən heç də geri qalmır.

– Son illər AFFA təkcə məşqçi dəvət edərkən xaricə üz tutmur. Eyni zamanda, istər həkimlər, istərsə də massajçılar olsun, daha çox əcnəbilərə üstünlük verilir. Necə düşünürsünüz, niyə öz mütəxəssislərimizə güvənmirlər?

– Yuxarıda da qeyd etdiyim kimi, azərbaycanlılar heç də xaricdən dəvət olunanlardan geri qalmır. Məncə, yerlilərə güvənmək olar.

– Çalışdığınız kluba azaərbaycanlı futbolçuları təklif edirsinizmi?

–  Bu məsələ ilə menecerlər məşğul olur. Klubun tibbi personalından kiminsə agent kimi futbolçu keçidində iştirak etməsi düzgün olmaz. Qısası, hər işin mütəxəssisi öz işi ilə məşğuldur burda.

– Amma vaxtilə millimizin gürcüstanlı üzvü Badri Kvaratsexliyanı çalışdığınız komandaya təklif etmisiniz.

– Bu mənim üçün birinci və sonuncu belə təcrübə oldu. Sonradan mənim də, Badrinin də, klubun da çoxlu problemləri oldu. Bu haqda danışmaq istəmirəm.

– Bizdə olan məlumata görə o vaxt Badrinin transferinin alınmasına Aslan Aslanov mane olmuşdu. Problem dedikdə bunu nəzərdə tutursunuz?

– O vaxt “Şəmkir”də və yığmada oynayanda onu “Dubay” rəhbərliyinə məsləhət görmüşdüm. Badrinin özü də Dubaya gəlməkdə maraqlı idi. Hətta gəlmişdi də. “Dubay”ın məşqlərində iştirak etmiş, baxışdan uğurla keçmişdi. Amma “Şəmkir” onu buraxmadı. İş müqavilə bağlamağa çatanda Aslan Aslanov icazə verməmişdi.

– Yeri gəlmişkən, təxminən iki il qabaq daha bir milliləşdirilmiş legionerimiz BƏƏ-yə üz tutmuşdudu. Sizcə, “Baniyas” klubuna transfer olunan Riçard Almeyda ölkəmizdəki çıxışına, yoxsa braziliyalı olduğuna görə “Baniyas”ın diqqətini çəkmişdi?

– Mən “Baniyas”da işləmirəm. Buna görə də bu taransfer haqqında, sözügedən keçidin necə reallaşması barəsində nəsə deyə bilmərəm. Ancaq onu deyim ki, Almeydanın gəlişindən sonra “Baniyas” daha inamlı çıxış edirdi, ancaq sonradan Almeyda yenidən Azərbaycana qayıtdı

Söhbətləşdi: Tural Məmmədov

Türkiyə səfirliyi Azərbaycana göstərdiyi dəstəyə görə təşəkkür edib

Türkiyə səfirliyi Azərbaycana göstərdiyi dəstəyə görə təşəkkür edib. "Aran"ın məlumatına görə, bu barədə səfirliyin tvitter hesabında bildirilib.

Türkiyədə xilasedicilər dörd azərbaycanlı tələbəni dağıntılar altından çıxarıb

Türkiyənin Malatya şəhərində xilasedicilər 4 azərbaycanlı tələbə - Samir Quliyev, Şahin Verdiyev, Hümam İsmayıllı və Gündüz Nəzərzadəni dağıntılar altından çıxarıb.

Türkiyədə zəlzələ nəticəsində ölənlərin sayı 1 762-ə çatıb, 12 068 nəfər yaralanıb – YENİLƏNİB

23:20 Türkiyədə zəlzələ nəticəsində ölənlərin sayı 1 762-ə, yaralananların sayı isə 12 068-ə yüksəlib. "Aran" Türkiyə...

Türkiyədə baş verən zəlzələ 14 milyondan çox insanın yaşadığı bölgəyə təsir edib

Mərkəzləri Kahramanmaraşın Pazarcık və Elbistan bölgələrində baş verən zəlzələlər 10 vilayətdə 13 milyon 421 min 699 nəfərin yaşadığı bölgəyə təsir edib.

Prezident İlham Əliyevin tapşırığına əsasən növbəti iki təyyarə Türkiyəyə yola salınacaq

Azərbaycan Respublikasının Prezidenti İlham Əliyevin tapşırığına uyğun olaraq, Türkiyə Respublikasında baş vermiş güclü zəlzələnin fəsadlarının aradan qaldırılması məqsədilə Fövqəladə Hallar Nazirliyinin yardımlarından...

Türkiyədə 7 günlük ümummilli matəm elan edilib

Türkiyədə güclü zəlzələ ilə əlaqədar 7 günlük ümummilli Bu barədə Türkiyə Prezidenti Rəcəb Tayyib Ərdoğan tviter hesabında yazıb. "2023-cü...

Azərbaycan Qızıl Aypara Cəmiyyəti “Səninləyəm Türkiyə!” adlı humanitar yardım kampaniyanı elan edir

Türkiyədə 7,7 maqnitudalı zəlzələ olub. Yeraltı təkanlar yarım saat ərzində müxtəlif bölgələrdə - Adana, Ankara, Antalya, Qaziantep, Kayseri, Mersin, Trabzon, Şanlıurfada hiss...

Xaricdə verilən diplomların Azərbaycanda tanınması üçün tələblər müəyyənləşib

Xarici dövlətlərin səlahiyyətli orqanları tərəfindən verilən və verildiyi ölkədə ali təhsil pilləsinə qəbul olunmaq və ya ali təhsilinnövbəti səviyyələri üzrə təhsilini davam...

Azərbaycan XİN-də Türkiyədəki zəlzələ ilə əlaqədar Operativ Qərargah yaradılıb

Türkiyənin Kahramanmaraş və ətraf vilayətlərində baş vermiş zəlzələ ilə bağlı Azərbaycan Respublikasının Xarici İşlər Nazirliyində (XİN) Operativ Qərargah yaradılıb.

Şərhlər