5.6 C
Aghjabadi

Azərbaycan ədalətli sülhün tərəfdarıdır

         Azərbaycan Respublikasının Prezidenti cənab İlham Əliyev cari ilin oktyabr ayının 13-də Astanada Asiya  Qarşılıqlı Fəaliyyət və Etimad Tədbirləri üzrə Müşavirənin 6-cı Zirvə toplantısnın  plenar iclasında iştirak etmişdir.

                Əsas məqsədi Asiyada Sülhün və Təhlükəsizliyin təmin edilməsi üçün çoxtərəfli yanaşmaları  inkişaf etdirməklə  əməkdaşlığı gücləndirmək olan  Asiya Qarşılıqlı Fəaliyyət  və Etimad  Tədbirləri üzrə Müşavirənin Zirvə Toplantısında bir çox ölkənin  dövlət və hökumət başçısı və nazirlər  iştirak etmişlər.

         Zirvə Toplantısında Azərbaycan Prezidenti İlham Əliyev çıxış  edərək,   Cənubi Qafqazda  yaranan vəziyyət barədə məlumat vermiş, ATƏT-in Minsk qrupunun Ermənistan  Azərbaycan münaqişəsinin nizamlanması üçün  28 ildə heç bir iş görmədiyini qeyd etmiş, ona görə də Azərbaycan öz qüvvəsi hesabına BMT Nizamnaməsinə  müvafiq olaraq münaqişəni özü həll etdiyini vurğulamışdır. 44 gün davam edən müharibə Azərbaycanın qələbəsi ilə başa çatmış, 10 noyabr 2020-ci ildə Azərbaycan, Rusiya və  Ermənistan  rəhbərlərinin imzazı ilə 3 tərəfli Bəyannamə qəbul edilmişdir. Lakin müharibənin başa çatmasından 2 ilə yaxın vaxt keçməsinə baxmayaraq, Ermənistan  Bəyannaməni bir sıra müddəalarına əməl etməmiş,  hazırda təmas xəttində  təxribat və  pozuculuq əməllərini davam etdirir. Tərəfimizdən aparılan fəal danışıqlar və sülh müqaviləsinin bağlanması istiqamətində gördüyümüz işlər təəssüf ki, Ermənistanın, bəzi Beynəlxalq təşkilat və dövlətlərin  antiazərbaycan fəaliyyəti nəticəsində  problemin həlli müşkül məsələyə çevrilmişdir.

         Müharibə dövründə Ermənistan tərəfindən bizim ərazilərdə basdırılmış bir  milyondan  artıq minanın xəritəsi Ermənistan tərəfindən təqdim edilməmiş, təqdim edilən xəritələr isə reallığı əks etdirmir. Nəticədə müharibədən sonrakı dövrdə  250 nəfərdən artıq  vətəndaşımız  minaların partlaması nəticəsində ya həlak olmuş, ya da ciddi xəsarət almışdır. Araşdırmalar nəticəsində məlum olmuşdur ki, təkcə Laçın rayonu ərazisində  Ermənistanın 2021-ci ildə istehsal etdiyi 1400 mina basdırılıb. Ona görə də Azərbaycan indi dünyada  mina ilə çirklənmiş ölkələr sırasında  ön  yerdə qərar tutur. Bu isə o deməkdir ki, müharibə bitdikdən sonra da Ermənistan terrorçuluq fəaliyyətini davam etdirir. Bütün bunlar  Ermənistanın Azərbaycanın  mülki əhalisinə və hərbçilərinə qarşı planlı şəkildə  həyata keçirilən və Beynəlxalq konvensiyalara zidd olan cinayətdir. İşğaldan azad edilmiş iki kənddə kütləvi məzarlıq aşkar edilmişdir.Lakin bunlara baxmayaraq Azərbaycan  öz humanist mövqeyini qoruyub saxlayır. Ölkəmiz ədalətli sülhün tərəfdarı olmaqla Ermənistan tərəfə 5 müddəadan ibarət sülh müqaviləsi təqdim etmişdir. Lakin Ermənistan hələ də müxtəlif bəhanələrlə sülh danışıqlarını ləngidir.

         Son vaxtlar Avropa İttifaqı Şurasının Prezidenti Şarl Mişelin iştirakı ilə Azərbaycan Respublikasının Prezidenti İlham Əliyevlə Ermənistanın Baş Naziri Nikol Paşinyanın iştirakı ilə,həmçinin 6 oktyabr tarixində Praqa şəhərində əlavə olaraq Fransa Prezidenti Emmanuel Makronun qoşulduğu 4 tərəfli görüşdə münaqişənin həlli istiqamətində müzakirələr aparılmışdır. Lakin bu görüşlərdə Fransanın  ermənipərəst mövqeyi sayəsində mühüm bir  irəliləyiş əldə edilməmiş, əvəzində Azərbaycana siyasi təzyiqlər göstərilmiş, biz razı olmasaq da Ermənistan sərhəddinə  Avropa İttifaqının mülki missiyanın  göndərilməsi qərara alınmışdır.

         Lakin görüşlərdə konkret bir nəticə əldə edilməsə də, Azərbaycan götürdüyü öhdəliklərə sadiqdir. Ermənistan tərəfindən mütəmadi olaraq  təxribatlar davam etsə də Azərbaycan səbr nümayiş etdirir.

         Bu siyasi proseslərin fonunda  ölkəmiz  işğaldan azad edilmiş ərazilərdə bərpa və quruculuq  işlərini davam etdirilir və paralel olaraq  “Böyük Qayıdış” proqramı çərçivəsində vaxtilə həmin ərazilərdə yaşamış qaçqın və məcburi köçkünlərin öz doğma  ata-baba  yurdlarına qayıtması layihələrini həyata keçirir.

         Nazim Bünyatov

         YAP Ağcabədi rayon təşkilatının sədr müavini

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər