5.6 C
Aghjabadi

Fərid Fərəcovun anım mərasimi qeyd olundu

Bayraqları bayraq yapan üstündəki qandır.

Torpaq – əgər uğrunda ölən varsa, Vətəndir!

​Torpağı vətənləşdirən, onun uğrunda ölən bir qəhrəmanımız da var. 1998-ci ilin noyabrın 11-də Ağcabədinin Muğanlı kəndində dünyaya göz açmış Fərəcov Fərid Yaşar oğlu – igid Fərid, cəsur Fərid, topçu Fərid…

​27 sentyabrda, müharibənin elə ilk saatlarından əks-hücum əməliyyatlarında fəal iştirak edən Fərid Fərəcov bir topçu kimi ən sərrast atışlarla düşmənə göz açmağa aman vermir, onun qəniminə çevrilir. 30 ildir torpaqlarımıza soxulmuş erməni qəsbkarlarına əsl cəhənnəm yaşadır. Ürəyinə, qəlbinə hakim kəsilmiş Vətən sevgisi, vətən qeyrəti onu döyüşlərdən-döyüşlərə aparır. Fərid işğaldan azad edilən doğma dədə-baba torpaqlarımıza üçrəngli bayrağımızı sancan igidlərimizdən olur, seçilir, fərqlənir…

​Oktyabrın 20-də Füzuli rayonunun ətraf kəndləri uğrunda gedən şiddətli döyüşlərdə topçu Fərid döyüş tapşırıqlarını yerinə yetirərkən şəhid olur, gözlərini əbədi olaraq yumur…

​Ölümündən sonra Fərid Fərəcov Azərbaycan Respublikasının Prezidenti cənab İlham Əliyevin Sərəncamlarına əsasən “Füzulinin azad olunmasına görə”, “Cəsur döyüşçü”, “Vətən uğrunda” medalları ilə təltif edilir. 

​Fəridsiz keçən iki il…

​20 oktyabrda doğma Muğanlı kəndində şəhidimizin anım mərasimi böyük izdihamla keçirildi. Mərasimdə Ağcabədi Rayon İcra Hakimiyyətinin başçısı, rayon icra hakimiyyətinin məsul şəxsləri, Yeni Azərbaycan Partiyasının Ağcabədi rayon təşkilatının sədri, hüquq-mühafizə orqanlarının rəhbərləri, şəhidin ailə üzvləri, şəhid ailələri, kənd sakinləri, Muğanlı və Təzəkənd kənd tam orta məktəbinin müəllim və şagird kollektivləri iştirak edirdi.

​Mərasim iştirakçıları cəsur topçunun məzarını ziyarət etdilər, ruhuna dualar oxudular. Çıxış edən Ağcabədi Rayon İcra Hakimiyyətinin başçısı Rafil Hüseynov Azərbaycan Ordusunun işğalda olan şəhər və rayonlarımızı, qəsəbə və kəndlərimizi cəmi 44 gündə azad etməsindən, odumuzun şücaətindən, eyni zamanda Fərid Fərəcovun keçdiyi şərəfli döyüş yollarından danışdı, şəhid ailəsinə, onun doğmalarına başsağlığı verdi. 

​Sonda Muğanlı və Təzəkənd kənd tam orta məktəblərinin şagirdləri şeirlər səsləndirdilər.

Gündüz SEVİNDİK

Fotolar Mais İbrahimovundur

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər