5.6 C
Aghjabadi

Şəhid Təhmasib Qarayevin anım mərasimi qeyd olundu

Tutaq ki, dünyada hər şeyin çoxdur,

Vətənin yoxdursa, heç nəyin yoxdur…

… Oğullar sinəsin verdi qabağa,

Qoymadı bir qəlpə düşə torpağa…

– bu amalı, bu əqidəni özünə şüar seçən, Vətən torpağına düşmən qəlpəsi düşməsin deyə sinəsini qabağa verən qəhrəmanlarımızdan biri də 1996-cı ildə rayonun Kəbirli kəndinə dünyaya göz açmış Qarayev Təhmasib Hikmət oğludur. 

   Hələ uşaq yaşlarında olarkən Təhmasib böyüyəndə  mütləq hərbçi olacağını deyir, əsgər gedəcəyi günü səbirsizliklə gözləyir. Böyüyür, orta məktəbi bitirir, Sumqayıt Dövlət Universitetinə daxil olur, ali təhsil alır.

   Müharibənin elə ilk saatında, ilk günündə – 27 Sentyabrda döyüşə atılan oğullarımızdan biri olur Təhmasib. Mahir kəşfiyyatçı, Azərbaycan Ordusunun çavuşu kimi həlledici döyüşlərdə yazından iştirak edir, 30 ilə yaxın işğalda olan yaşayış məntəqələrimizin, eyni zamanda strateji əhəmiyyətə malik bir çox yüksəkliklərin düşməndən azad olunması əməliyyatlarında böyük şücaətliklər göstərir. Cəsur döyüşçü Murovdağ, Füzuli, Cəbrayıl, Xocavənd və Qubadlı istiqamətlərində Ordumuzun əldə etdiyi böyük uğurlarda pay sahibi olur. 

   Oktyabrın 18-də Xocavənd rayonunun “Qırmızı bazar” qəsəbəsi yaxınlığında gedən şiddətli döyüşlərdə Təhmasib Vətən üçün, torpaq üçün canından keçərək şəhadətə ucalır, tariximizi qızıl hərflərlə yazan qəhrəmanlarımızdan birinə çevrilir. 

   Onun bu fədakarlığı, bu  şərəfli döyüş yolu Silahlı Qüvvələrin Ali Baş Komandanı cənab İlham Əliyevin diqqətindən kənarda qalmır. Təhmasib Qarayev ölümündən sonra Cəbrayılın, Xocavəndin, Kəlbəcərin azad olunmasına görə”, həmçinin “Vətən uğrunda”, “İgidliyə görə” və “III dərəcəli Rəşadət Ordeni” ilə təltif edilir.

   Oktyabrın 23-də doğma Kəbirli kəndində şəhidin anım mərasimi böyük izdihamla keçirildi. Mərasimdə Ağcabədi rayon icra hakimiyyətinin başçısı, icra hakimiyyətinin məsul şəxsləri, hüquq-mühafizə orqanlarının rəhbərləri, şəhidin ailə üzvləri, şəhid ailələri, media nümayəndələri, kənd sakinləri, Kəbirli kənd tam orta məktəbinin müəllim və şagird kollektivi iştirak etdi. Mərasim iştirakçıları şəhid Təhmasib Qarayevin məzarını ziyarət etdilər, ruhuna dualar oxudular.

   Mərasimdə çıxış edən Ağcabədi rayon İcra Hakimiyyətinin başçısı Rafil Hüseynov Vətən müharibəsinin ilk günlərindən son gününə qədər rəşadətli Ordumuzun düşmən üzərində əldə etdiyi parlaq qələbəsindən, əsgərlərimizin misilsiz qəhrəmanlıqlarından danışdı, xüsusi döyüş bacarığına malik olan kəşfiyyatçı Təhmasib Qarayevin keçdiyi döyüş yolundan söz açdı, şəhidin ailəsinə başsağlığı verdi.

   Anım mərasimi Kəbirli kənd tam orta məktəbinin hazırladığı anım tədbiri ilə davam etdi. Sonda məktəbli şagirdlər şeirlər səsləndirildilər. 

   Allah rəhmət eləsin! 

Gündüz Sevindik

Fotolar Mais İbrahimovundur

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər