6.4 C
Aghjabadi

Braziliyalı futbolçu: “Sizin toy adət-ənənəniz çox fərqlidir” – MÜSAHİBƏ

“Aranqezeti.az” saytının “TAM ŞƏXSİ” rubrikasının budəfəki qonağı ötən mövsümü Bakının “Neftçi” klubunda keçirmiş braziliyalı hücumçu Tiaqo Bezerradır.

– Futbolçu olmağınıza valideynlərinizin münasibəti necə olmuşdu?

– Valideynlərim məni dəstəkləmişdi. Ailəmizdə yeganə futbolçu mənəm. Heç yaxın qohumlarım arasında da bu peşə ilə məşğul olan yoxdur. Bu səbəbdən bizdən də bir futbolçu çıxmasında maraqlı idilər.

– Maraqlıdır, futbolçu olmasaydınız, hansı peşəni seçərdiniz?

– Futbolçu olmağı uşaqlıqdan arzulayırdım. Əgər alınmasaydı, yenə də idmançı olacaqdım. Bəlkə basketbolçu, bəlkə valeybolçu. Amma böyüdükdən sonra xoşuma gələn başqa peşələr də oldu. Məsələn, yanğınsöndürən. Amma dediyim kimi, idman sahəsindən başqa seçim etmək uşaqlıq illərindən ağlımın ucundan da keçmirdi.

– Ailə qurmağa hazırlaşdığınız zaman gələcək həyat yoldaşınız futbolçu ilə ailə qurmaqda tərəddüd etmədi ki?

– Mən çox tez evlənmişəm. Cəmi 21 yaşım var idi. O vaxt valideynlərim də tərəddüd edirdi. Onlar seçimimdə yanıla biləcəyimi düşünürdülər. Amma sonradan həyat yoldaşımın həm yaxşı insan, həm də yaxşı ana olduğunu gördülər. Elə həyat yoldaşımın ata-anası da müəyyən qədər qorxurdular. Biz evlənəndə həyat yoldaşımın cəmi 18 yaşı var idi və ən əsası biz ailə qurduqdan sonra Türkiyəyə köçdük. Qızlarından uzaq olan qaynatam və qaynanamım narahat olması isə təbii idi.

– Sizcə, bir futbolçu üçün ailə qurnağın mənfi və müsabət tərəfləri hansılardır?

–  Təbii ki, təlim-məşq toplanışları, oyunlar və s.səbəbindən futbolçular evdə çox olmur ki, bu da müəyyən çətinliklər yaradır, amma daha çox müsbət tərəflərini qeyd etmək olar evliliyin. Məsələn, daha düzənli bir həyatının olması baxımından yaxşıdır. Adicə vaxtında yatmaq üçün də ailəli olmaq şərtdir. Hətta evli olduğu halda ailəsindən uzaqda olmağın özü də futbolçuya mənfi təsir edir. Məsələn, mən Azərbaycanda ailəmlə birgə yaşamasaydım, gündəlik həyat tərzim fərqli olacaqdı, formamı qoruya bilməyəcəkdim. Amma əgər evdə səni gözləyən varsa, daha rahat olursan. Adicə matçların yorğunluğunu evdə uşaqlarla oynamaqla çıxarmaq nəyə desən dəyər. Bu gün Braziliya futbolunun ən yaxşısı sayılan Neymar evli olsa, daha parlaq karyerası olar. Hər halda şəxsi qənaətim belədir.

– Futbolçular daim gündəmdə olurlar. Bu da ailədə müəyyən qısqanclıqlara yol aça bilir. Belə bir problem yaşamısınızmı?

– Qısqanclıq sevginin bir hissəsidir, məncə və hər insanda müəyyən qədər bu hiss var, amma ümumilikdə peşəmə görə belə bir problem yaşamamışam. Mənə elə gəlir ki, normal ailəsi olan adam elə səhvlər etməməlidir ki, ailəsində problem yaransın. Mən ailəcanlı adamam və bu səbəbdən ailəmlə bağlı problem olmur.

– Bildiyimiz qədəriylə iki qızınız və bir oğlunuz var və oğlunuz sizin peşəni davam etdirir.

– Hə, oğlum futbol məktəbinə gedir. Düzdür, Azərbaycanda alınmadı, amma çıxış etdiyim digər ölkələrdə futbol məktəbinə mütləq yazdırıram.

– Oğlunuzun futbolçu olması sizin istəyinizdir, yoxsa öz marağı da var?

– Düzü, mən futbolçu olduğum üçün istəyərəm ki, o da bu peşəyə yiyələnsin, ancaq futbolçu kimi bu işin çətinliklərini görmüşəm deyə ona təzyiq də etmirəm. İstəsə olacaq, istəməsə yox.

– Yeri gəlmişkən, gələcəkdə övladlarınızın azərbaycanlı ilə ailə qurmasına münasibətiniz necə olardı?

– Əsas onların xoşbəxt olmasıdır. Ailə qurduğu adamın hansı millətdən olmasının fərqi yoxdur. Azərbaycanlı, türk, braziliyalı, ingilis və s. olmasının heç bir önəmi yoxdur. Övladlarımızın xoş gününü görmək, nəvə sahibi olmaqdan başqa bir istəyimiz yoxdur.

– Azərbaycanlı və braziliyalı ailələr arasında hansı oxşar və fərqli cəhətlər var?

– Məsələn, sizin toy adət-ənənəniz çox fərqlidir. Mətbəximiz haqda da eyni sözləri demək olar. Hərçənd yeməklərdə oxşarlıqlar da var. Misal üçün, sizdə də plov var, biz də də plov çeşidləri yetərincədir. Əslində xeyli fərqli cəhətlər sadalaya bilərəm, amma hazırda ağlıma gələn bunlar oldu.

– Ölkəmizdə yaşadığınız müddətdə sizi ən çox nə təəccübləndirmişdi?

– . İlk dəfə gələndə tanımırdıq. Bakıda qarşılaşdığımız mənzərə bizim üçün xoş mənada sürpriz olmuşdu. Amma həyat tərzinə çox təəccüblənmədim. Çünki həm dil, həm mədəniyyət, həm yemək baxımından Türkiyə ilə, demək olar ki, eynidir. Vaxtilə uzun müddət Türkiyədə yaşadəğım üçün problem olmadı. Ən çox təəccübləndirən məqam avtomobilin çoxluğu, yollarda tıxac olması və demək olar, bütün sürücülərin dayanmadan siqnal verməsi idi.

Söhbətləşdi: Tural Məmmədov

Xəbər lenti

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Ağcabədidə “Təhlükəsiz Həyat” gənclər arasında maarifləndirici tədbirlər layihəsi keçirilmişdir

   Ağcabədi rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Ağcabədi Rayon Gənclər və İdman İdarəsinin təşkilatı dəstəyilə “Aydınlar Ocağı” humanitar ictimai birliyi tərəfindən “Təhlükəsiz Həyat” gənclər arasında maarifləndirici...

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

Şərhlər