6.4 C
Aghjabadi

Ədalətli müharibə İnamlı Qələbə ilə başa çatdı

Bir neçə gündən sonra “Zəfər günü”nün 2-ci ildönümü tamam olur.

​2020-ci ilin sentyabr ayının 27-də Ermənistanın növbəti təxribatına cavab olaraq başlayan əks- hücum əməliyyatı nəticəsində Müzəffər Ordumuz düşmən üzərində Qələbə çalaraq 30 illik işğala son qoydu. 

​​Lakin bu rəşadətli Qələbə heç də asan əldə edilməmişdir. Biz bu Qələbəyə illər boyu addım-addım yaxınlaşmışıq. Məhz Ulu Öndər Heydər Əliyev ölkəyə rəhbərlik etməyə başladığı gündən təməli qoyulan inkişaf konsepsiyasının məntiqi sonluğu ikinci ildönümünü qeyd etdiyimiz Şanlı Qələbəmizin əldə edilməsi oldu.

​​Müstəqilliyinin itirilməsi təhlükəsi ilə üz-üzə qalan, iqtisadi və siyasi böhran məngənəsində çırpınan ölkəmiz yalnız güclü  bir Lider sayəsində düşdüyü  bəlalardan xilas ola bilərdi. 1993-cü ildə xalqın tələbi ilə yenidən siyasi hakimiyyətə qayıdan Heydər Əliyevin simasında xalq öz xilaskarına  qovuşdu. 

Heydər Əliyevin idarəçilik təcrübəsi tezliklə öz bəhrəsini verdi. Ölkədə başlamaqda olan vətəndaş müharibəsinin qarşısı alındı, aparılan diplomatik danışıqlar nəticəsində atəşkəsə nail olundu, Neft kontraktları bağlandı, dağılmış iqtisadiyyat tədricən bərpa edilməyə, ordu quruculuğu sahəsində ardıcıl və məqsədyönlü işlər görülməyə, ölkədə siyasi sabitlik bərqərar olmağa başlandı.

​​2003-cü ilin oktyabr ayından başlayaraq Ulu Öndər Heydər Əliyevin siyasi varisi,  xalqın dəstəyi ilə Prezident seçilmiş cənab İlham Əliyev həmin stratejixətti uğurla davam etdirdi. Həyata keçirilən iqtisadi islahatlar, dünyanın aparıcı dövlətləri ilə qurulan uğurlu əlaqələr, əhalinin maddi rifahının yüksəlməsinə hesablanan siyasət, həmçinin ordunun modernləşdirilməsi, döyüş qabiliyyətinin artırılması istiqamətində məqsədyönlü islahatlar öz bəhrəsini verdi.​​​​​

30 ilə yaxın davam edən işğalın artıq Siyasi yollarla  həll edilə bilməyəcəyini görən Ali Baş Komandan İlham Əliyev Ermənistanın növbəli hərbi təxribatına adekvat  cavab vermək məcburiyyətində qaldı və beləliklə, başlanan Müharibə Azərbaycanın parlaq Qələbəsi ilə başa çatdı.

​​Müharibənin gedişində Ermənistanın havadarı olan ölkələr, Beynəlxalq təşkilatlar cənab İlham Əliyevə təzyiqlər edir, hər vəchlə Ermənistanı dəstəkləmək siyasəti həyata keçirirdilər. Lakin Azərbaycan Prezidenti Orduya və Xalqa güvənərək qətiyyətli və cəsarətli addımlar atır, əsl sərkərdə kimi hərbi əməliyyatlara rəhbərlik edir, siyasi müstəvidə fəal mübarizə aparırdı.

Beləliklə, cəmi 44 gün davam edən  müharibədə  Ordumuz düşməni diz çökdürdü, məğlub edilməz Ermənistan  ordusu barəsində illər boyu yaradılmış “mif”ə son qoyuldu. Təlimatlandırılaraq Azərbaycanagöndərilmiş dünyanın tanınmış televiziya kanallarınınvə mediya nümayəndələri ilə müsahibələrində cənab Prezident yüksək intellektə, hərtərəfli siyasi-diplomatik hazırlığa və  fenomenal biliyə malik olduğunu bir daha nümayiş etdirdi, mübarizəmizin haqq işi olduğunu dünyaya bəyan etdi.

Zəfər Qələbəsi Ermənistanın işğalçı, Beynəlxalq konvensiyalara və müharibə qanunlarına məhəl qoymayan, dinc əhaliyə qarşı genosid siyasəti həyata keçirən, yaşayış məntəqələrini ağır artilleriya və raketlərlə atəşə tutan, yüzlərlə dinc əhalinin, o cümlədən qadın və uşaqların ölümü ilə nəticələnən, qeyri humanist bir ölkə olduğunu nümayiş etdirdi.

Bu müharibə sayəsində tarixdə ilk dəfə olaraqAzərbaycan əsrlər boyu, zaman-zaman itirdiyi torpaqları geri qaytarmağa müvəffəq oldu.

Minlərlə şəhidinin canı və qazilərin qanı bahasına əldə edilən bu qələbə tarixi bir Zəfər idi. Bu qələbə 30 il ərzində günahsız qətlə yetirilmiş minlərlə vətəndaşlarımızın qisası idi.

Hazırda işğaldan azad edilmiş ərazilərdə misli görünməmiş, quruculuq,bərpa və abadlıq işləri həyata keçirilir. Yollar çəkilir, elektrik stansiyaları, hava limanları tikilir, həyat üçün lazım olan bütün infrastrukturlar yaradılır, uzun müddət qaçqın və köçkün həyatı yaşamış sakinlər tədricən doğma yurd-yuvalarına qayıdır.

Bu növrağı gözü götürməyən qüvvələr hələ də öz çirkin niyyətlərindən əl çəkməyiblər. Lakin artıq olar da dərk edirlər ki, ədalətin kəndiri nazilər, lakin qırılmaz.

Mən sonda Zəfər Qələbəsinin 2-ci ildönümü münasibətilə xalqımızı və dünya Azərbaycanlılarını təbrik edir, bu qələbə sevincini bizə yaşadan şəhidlərimizə allahdan rəhmət diləyir, qazilərimizə şəfa diləyirəm. 

Nazim Bünyatov

YAP Ağcabədi rayon təşkilatının sədr müavini

Xəbər lenti

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Ağcabədidə “Təhlükəsiz Həyat” gənclər arasında maarifləndirici tədbirlər layihəsi keçirilmişdir

   Ağcabədi rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Ağcabədi Rayon Gənclər və İdman İdarəsinin təşkilatı dəstəyilə “Aydınlar Ocağı” humanitar ictimai birliyi tərəfindən “Təhlükəsiz Həyat” gənclər arasında maarifləndirici...

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

Şərhlər