5.6 C
Aghjabadi

Ağcabədidə Ekoloji təmiz məhsul istehsalının təşviqinə həsr olunmuş seminar keçirilib

2022-ci ilin noyabrın 1-də Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə Ekoloji İnformasiya İctimai Birliyi tərəfindən həyata keçirilən “ Qarabağ İqtisadi Rayonunun fermerləri arasında “ekoloji təmiz məhsul “ istehsalının təşviqi”layihəsinin icra planına uyğun olaraq Ağcabədi şəhərində 25 nəfər fermer üçün seminar təşkil edilib.
Əvvəlcə Ağcabədi DAİM-in direktoru Abbas Süleymanov seminarı giriş nitqi ilə açaraq qonaqları salamlayıb və sözü Ekoloji İnformasiya İctimai Birliyinin sədri, layihə rəhbərinə verib. Ekoloji İnformasiya İctimai Birliyinin sədri Musa Muradlının təklifi ilə Azərbaycan Respublikasının ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad olunub.
Layihə rəhbəri Musa Muradlı 1 noyabr Kənd təsərrüfatı işçilərinin peşə bayramı münasibətilə əvvəlcə, fermerləri təbrik edib. Onlara çətin və məhsuldar işlərində uğurlar arzulayıb. Sonra layihənin ideyası, qarşıya qoyulan məqsəd və vəzifələrdən danışıb. Bildirib ki, dünyada daha çox kənd təsərrüfatı məhsulları istehsal etmək üçün kimyəvi tərkibli üzvi gübrələr və bitkiləri zərərverici həşaratlardan qorumaq məqsədilə pestisidlərdən, eləcə də herbisitlərdən istifadə olunur. Bu da öz növbəsində insan sağlamlığına mənfi təsirini göstərmiş olur. Nəticədə arzuolunmayan xəstəliklərin sayı çoxalır, bir çox hallarda xəstəliklər cavanlaşır.
Musa Muradlı qeyd edib ki, indi ekoloji məhsul istehsalının təşviqinə ehtiyyac böyükdür. Buna görə də həyata keçirilən layihənin ideyasına önəm verilib. Azərbaycan Respublikasının Qeyri- Hökumət Təşkilatlarına Dövlət Dəstəyi Agentliyinin qrant müsabiqəsindədə layihənin aktuallığı yüksək qiymətləndirilib.
Tədbir iştirakçılarına layihənin vəzifələrindən danışan Musa Muradlı vurğulayıb ki, fermerlərimiz məhsul istehsal edərkən sağlamlıq amilini nəzərə almalı, istehlakçılar üçün keyfiyyətli məhsulların yetişdirilməsinə önəm verməlidirlər. Bunun üçün də ekoloji təmiz kənd təsərrüfatı məhsullarının yetişdirilməsi ən aktual məsələlərdəndir.
Layihənin eksperti ekoloq, aqrar elmlər üzrə fəlsəfə doktoru Xosrov Musayev ekoloji təmiz məhsul anlayışına aydınlıq gətirib. Dünyada ekoloji təmiz məhsul istehsalına bir çox ölkələrin üstünlük verdiyini deyib.Ekoloji təmiz məhsul yetişdirilməsinin aktuallığından danışan ekolok Xosrov Musayev bildirib ki, kimyəvi tərkibli üzvi maddələrdən istifadə insan sağlamlığına zərər vurmaqla yanaşı torpağın da mikroorqanizmilərini məhv edir. Torpağın məhsuldarlığı tədricən azalır. Ekoloji təmiz kənd təsərrüfatı isə ətraf mühitin təbii ehtiyyatlarından istifadə etməklə həm torpağın mineral ehtiyyatlarını artırmaq olar, həm də sağlamlığı möhkəmləndirən məhsulların yetişdirilməsinə nail olmaq mümkündür.
Sonra 9 saylı Ekologiya və Təbii Sərvətlər İdarəsinin sektor müdiri İsrafil Paşayev, Ağcabədi DAİM-in direktoru Abbas Süleymanov, Ağcabədi rayon İcra Hakimiyyətinin əməkdaşı Muxtar Bağırov çıxışlarında ekoloji təmiz məhsul istehsalının aktuallığından danışıblar. Layihənin qarşısına qoyduğu fermerlərin maarifləndirilməsi ideyasını yüksək qiymətləndiriblər.
Çıxışlardan sonra seminarın gündəliyinə uyğun olaraq çay süfrəsi arxasında müzakirələr aparılıb. İştirakçılara dəftərxana ləvazimatları, bloknot, qələm, qovluqlar, habelə təşviqat materialları, bukletlər paylanılıb.
Seminar xoş əhvali-ruhiyyə ilə başa çatıb.

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər