Ağcabədidə “Məişət zorakılığına qarşı mübarizə” mövzusunda tədbir keçirilmişdir

    23 noyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə Ağcabədi Pedaqoji Kollecində “Məişət zorakılığına qarşı mübarizə” mövzusunda maarifləndirmə tədbiri keçirilmişdir.

    Tədbirdə Ağcabədi Rayon Gənclər və İdman İdarəsinin rəis müvini Eldəniz Qənbərov çıxış edərək  tədbirin əhəmiyyəti haqqında və ölkəmizdə məişət zorakılığına qarşı mübarizə istiqamətində həyata keçirilən tədbirlər barədə danışdı. “Məişət zorakılığının qarşısının alınması haqqında” Azərbaycan Respublikası Qanunu və onun işləmə mexanizmi barədə geniş məlumat verdi.  Eldəniz Qənbərov çıxışında qeyd etmişdir ki, hər bir zorakılıq əməli, o cümlədən, məişət zorakılığı qadınlar, uşaqlar, ailələr və bütövlükdə cəmiyyət üçün ağır fiziki, emosional, iqtisadi və sosial nəticələr doğurur. Məişət zorakılığı ailədə böyüyüb boya başa çatan uşaqların tərbiyəsinə, psixologiyasına, sağlam düşüncə tərzinin formalaşmasına mənfi təsir göstərir. 

    Tədbirdə çıxış edənlər məişət zəminində törədilən zorakılıqla mübarizədə əhali arasında hüquqi maarifləndirmənin vacib olduğunu və belə tədbirlərin əhəmiyyətini vurğulamışdır. Sonda tədbir iştirakçılarının mövzuyla bağlı fikirləri dinlənilmiş onları maraqlandıran suallar cavablandırılmışdır.

ARAN-ı sosial şəbəkələrdə izləyin:

Şərhlər

Social Media Auto Publish Powered By : XYZScripts.com