Azərbaycan xalqı 20 Yanvar hadisələrində sarsılmazlığını, mətinliyini göstərdi

1990-cı ilin Yanvar faciəsinə aparan yol azərbaycanlıların Ermənistandakı tarixi torpaqlarından növbəti kütləvi deportasiyasının, keçmiş Dağlıq Qarabağın Ermənistana birləşdirilməsi cəhdlərinin geniş vüsət aldığı 1987-ci ildən başlayıb. Azərbaycan xalqı haqlı olaraq bu hadisələrə etiraz səsini ucaltdı. İnsanların haqq səsini boğmaq üçün 1990-cı ilin yanvarında sovet qoşunları ölkəmizə yeridildi, Bakıda, Azərbaycanın digər şəhər və rayonlarında kütləvi qırğınlar törədildi.

Bu sözləri AZƏRTAC-ın bölgə müxbirinə müsahibəsində Ağcabədi sakini, 20 Yanvar hadisələrinin şahidi Eldəniz Qənbərov söyləyib.

Müsahibimiz o qanlı gecədə yaşananları belə xatırlayır: “Həmin dövrdə tələbə idim. İnstitutun 4-cü kursunda oxuyurdum. İnsanlar SSRİ rəhbərliyinin yarıtmaz idarəçiliyinə qarşı öz etirazlarını bildirirdilər. Şəhərə xəbər yayılmışdı ki, SSRİ rəhbərliyinin göstərişi ilə Bakı şəhərinə qoşun yeridiləcək. Mən “Azdrama”nın arxasında yerləşən keçmiş Poluxin küçəsində kirayədə qalırdım. Ümumiyyətlə, həmin günlər şəhərdə hərbçilərin sayı artmışdı. Bir qrup ziyalı çalışırdı ki, hərbçilərə hadisələrin mahiyyətini izah etsinlər. Rəhmətlik aktyorumuz Eldəniz Zeynalov, Telman Adıgözəlov və digərləri hərbçilərə izah edirdilər ki, ermənilər zaman-zaman azərbaycanlılara qarşı necə ağır cinayətlər törədiblər. Bu xalq öz haqqını müdafiə edir. Hadisələrdən bir gün əvvəl mən küçəyə çıxanda bir qrup əsgərin patrul xidmətini yerinə yetirdiyini gördüm. Onlarla söhbət etdim, ermənilərin zaman-zaman törətdikləri vəhşilikləri bir-bir sadaladım.

Onu da deyim ki, insanlar şəhərə yeridilən tankların lülələrinə qərənfil qoymuşdular. Bununla da xalqımızın sülhsevər xalq olduğunu nümayiş etdirirdi.

Amma yanvarın 19-dan 20-nə keçən gecə həmin tankların səsi bütün şəhəri bürüdü. Göyün üzü işıq saçan güllələrlə dolu idi. Güllə səsləri ara vermirdi. Mənim yaşadığım küçənin qarşısına bir hərbi texnika gələrək dinc insanlara, eləcə də evlərə atəş açmağa başladı. İnsanlar çaş-baş qalmışdılar. Sülhsevər ordu kimi tanınan sovet ordusundan belə qəddarlığı heç kim gözləmirdi. Tanklar, BTR-lər qarşısına çıxan maşınları əzərək üzərilərindən keçir, insanlara atəş açırdılar”.

Eldəniz Qənbərov qeyd edib ki, 20 Yanvar hadisələrində Azərbaycan xalqı sarsılmazlığını, mətinliyini göstərdi. Sovet ordusunun amansızlığına və qəddarlığına baxmayaraq, Azərbaycan xalqı yanvarın 22-də paytaxtın “Azadlıq” meydanında 20 Yanvar şəhidlərinin dəfni ilə əlaqədar matəm yürüşü keçirdi: “Rus generalları nə qədər çalışsalar da, bunun qarşısını ala bilmədilər. Camaatın üzərinə texnikaları sürməklə qorxutsalar da, onlar buna məhəl qoymayaraq dəfn mərasimində iştirak edirdilər.

Xalqımız şəhidlərini son mənzilə yola saldı. Bu vəhşilikdən sonra hamı birmənalı şəkildə Azərbaycanın SSRİ-nin tərkibindən çıxaraq müstəqil bir dövlət olması tələbini dilə gətirir və azadlıq, müstəqillik şüarlarını səsləndirirdilər”.

20 Yanvar hadisələrinin şahidi bildirib ki, yanvarın 20-si matəm günü kimi deyil, xalqımızın qəhrəmanlıq günü kimi qeyd edilməlidir. Çünki bugünkü azadlığımız həmin şəhidlərin qanı bahasına qazanılıb.

Ağcabədi, 20 yanvar, Tahir Ağaməmmədov, AZƏRTAC

BIR CAVAB BURAXIN

şərhinizi daxil edin!
Buraya adınızı daxil edin

Türkiyə səfirliyi Azərbaycana göstərdiyi dəstəyə görə təşəkkür edib

Türkiyə səfirliyi Azərbaycana göstərdiyi dəstəyə görə təşəkkür edib. "Aran"ın məlumatına görə, bu barədə səfirliyin tvitter hesabında bildirilib.

Türkiyədə xilasedicilər dörd azərbaycanlı tələbəni dağıntılar altından çıxarıb

Türkiyənin Malatya şəhərində xilasedicilər 4 azərbaycanlı tələbə - Samir Quliyev, Şahin Verdiyev, Hümam İsmayıllı və Gündüz Nəzərzadəni dağıntılar altından çıxarıb.

Türkiyədə zəlzələ nəticəsində ölənlərin sayı 1 762-ə çatıb, 12 068 nəfər yaralanıb – YENİLƏNİB

23:20 Türkiyədə zəlzələ nəticəsində ölənlərin sayı 1 762-ə, yaralananların sayı isə 12 068-ə yüksəlib. "Aran" Türkiyə...

Türkiyədə baş verən zəlzələ 14 milyondan çox insanın yaşadığı bölgəyə təsir edib

Mərkəzləri Kahramanmaraşın Pazarcık və Elbistan bölgələrində baş verən zəlzələlər 10 vilayətdə 13 milyon 421 min 699 nəfərin yaşadığı bölgəyə təsir edib.

Prezident İlham Əliyevin tapşırığına əsasən növbəti iki təyyarə Türkiyəyə yola salınacaq

Azərbaycan Respublikasının Prezidenti İlham Əliyevin tapşırığına uyğun olaraq, Türkiyə Respublikasında baş vermiş güclü zəlzələnin fəsadlarının aradan qaldırılması məqsədilə Fövqəladə Hallar Nazirliyinin yardımlarından...

Türkiyədə 7 günlük ümummilli matəm elan edilib

Türkiyədə güclü zəlzələ ilə əlaqədar 7 günlük ümummilli Bu barədə Türkiyə Prezidenti Rəcəb Tayyib Ərdoğan tviter hesabında yazıb. "2023-cü...

Azərbaycan Qızıl Aypara Cəmiyyəti “Səninləyəm Türkiyə!” adlı humanitar yardım kampaniyanı elan edir

Türkiyədə 7,7 maqnitudalı zəlzələ olub. Yeraltı təkanlar yarım saat ərzində müxtəlif bölgələrdə - Adana, Ankara, Antalya, Qaziantep, Kayseri, Mersin, Trabzon, Şanlıurfada hiss...

Xaricdə verilən diplomların Azərbaycanda tanınması üçün tələblər müəyyənləşib

Xarici dövlətlərin səlahiyyətli orqanları tərəfindən verilən və verildiyi ölkədə ali təhsil pilləsinə qəbul olunmaq və ya ali təhsilinnövbəti səviyyələri üzrə təhsilini davam...

Azərbaycan XİN-də Türkiyədəki zəlzələ ilə əlaqədar Operativ Qərargah yaradılıb

Türkiyənin Kahramanmaraş və ətraf vilayətlərində baş vermiş zəlzələ ilə bağlı Azərbaycan Respublikasının Xarici İşlər Nazirliyində (XİN) Operativ Qərargah yaradılıb.

Şərhlər