Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.
23 yanvar tarixində Agentlik əməkdaşları tərəfindən respublika üzrə fəaliyyət göstərən ət satışı və heyvan kəsimi məntəqələrində aparılan monitorinqlər zamanı Bakı şəhəri və Ağcabədi, Şamaxı, Xaçmaz rayonlarında bir sıra nöqsanlar aşkar olunub. Aşkarlanmış uyğunsuzluqlarla əlaqədar 11 heyvan kəsimi və ət satışı məntəqəsi ilə bağlı inzibati tədbir görülüb, 5 məntəqədə isə yenidən bərpa edilmiş qanunsuz metal konstruksiyalar təkrarən sökülüb.
Ağcabədi rayonu üzrə:
| № | Sahibkarlıq subyekti | Ünvan | Görülən tədbir |
1. | Məmmədov ŞaiqElyar oğlu | T.İsmayılov küçəsi | İnzibati protokol tərtib edilib |
| 2. | Ağayev Taleh Adil oğlu | Ü.Hacıbəyli küçəsi | İnzibati protokol tərtib edilib və yenidən bərpa edilmiş qurğular sökülüb |
| 3. | Nəsibov Cəfər Aydın oğlu | Ü.Hacıbəyli küçəsi | Yenidən bərpa edilmiş qurğular sökülüb |
| 4. | İbrahimov Razim Akif oğlu | Ağabəyli kəndi | İnzibati protokol tərtib edilib və yenidən bərpa edilmiş qurğular sökülüb |
AQTA bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.
