Müqəddəsdir öz yurdumun torpağı,
İgidləri olmuş onun dayağı.
Əskik olmasın xoş olan növrağı,
Əziz elim, Ağcabədi torpağı!
Gəzmişəm obamı mən diyar-diyar,
Ulu babalardan qalmış yadigar.
Qız-gəlinin olsun hər an bəxtiyar,
Əziz elim Ağcabədi torpağı!
Məftun etmiş bizi gölü, çəməni,
Unutmaq olarmı olub-keçəni?!
Əzəl gündən istedadlar vətəni
Əziz elim, Ağcabədi torpağı!
İgidlərin yeri, yurdu, özüsən,
Şeir-sənət ocağının közüsən,
Yurdum-yuvam Vətənimin gözüsən,
Əziz elim, Ağcabədi torpağı!
Olmaz elin mənim kimi sevəni,
Üzeyirin, həm Yaqubun məskəni,
Milli qəhrəmanlarıı fəxrin, Vətən,
Əziz elim, Ağcabədi torpağı!
Əziz elim, Ağcabədi torpağı!
Şölə QƏDİROVA
