“Aran” bildirir ki, heyvan kəsimi fəaliyyətinin tənzimlənməsi haqqında Azərbaycan Respublikası Prezidentinin 11 iyun 2018-ci il tarixli 199 nömrəli Sərancamının 1.3-cü bəndin icrası ilə əlaqədar Ağcabədi rayon İcra Hakimiyyətinin əməkdaşları, Azərbaycan Respublikasının Daxili İşlər Nazirliyinin Ağcabədi rayon Polis Şöbəsinin əməkdaşları və Azərbaycan Respublikası Qida Təhlükəsizliyi Agentliyinin Qarabağ regional bölmənin əməkdaşlarının iştirakı ilə Baytarlıq-sanitariya ekspertizasından keçmədən qanunsuz heyvan kəsiminin qarşısını almaq məqsədilə Ağcabədi rayon ərazisində monitorinqlər həyata keçirilmişdir.
Monitorinq zamanı qanunsuz heyvan kəsiminin qarşısının alınmasına görə ət dükanlarında quraşdırılan dəmir konsturiktivlər sökülmüş və protokol tərtib edilmişdir.
Kənan İsayev
