Ağcabədidə Ümummilli Lider Heydər Əliyevin 100 illik yubileyi münasibətilə taekvondo idman növü üzrə uşaq, yeniyetmə və gənclər arasında rayon turniri keçirilib.

“Aran” AZƏRTAC-a istinadən xəbər verir ki, Ağcabədi Rayon Gənclər və İdman İdarəsinin və Ağcabədi Olimpiya İdman Kompleksinin birgə təşkilatçılığı ilə keçirilən turnirdə 100-dən çox taekvondoçu müxtəlif çəki dərəcələrində gücünü sınayıb. Gərgin mübarizə şəraitində keçən yarışın yekununda ayrı-ayrı çəki dərəcələrində I, II, III yerləri tutmuş idmançılara diplom və medallar təqdim olunub.